महापालिका आयुक्त ट्विटरद्वारे नागरिकांशी साधणार लाईव्ह संवाद!
पुणे : स्वच्छतेबाबत नागरिकांमध्ये जनजागृती निर्माण व्हावी, स्वच्छतेच्या प्रक्रियेत वेगवेगळ्या माध्यमातून नागरिकांचा सहभाग वाढावा तसेच महानगरपालिकेशी संबंधित अन्य इतर विषयांवर थेट नागरिकांशी चर्चा करण्यासाठी पुणे महानगरपालिकेचे आयुक्त विक्रम कुमार हे स्वत: दिनांक ४ फेब्रुवारी, २०२२ रोजी दुपारी 3 ते 3.30 दरम्यान ट्विटरद्वारे लाईव्ह संवाद साधणार आहेत.
यामध्ये नागरिकांना त्यांच्या सूचना, प्रश्न, विचारण्याची संधी मिळणार आहे. तरीही जास्तीत जास्त नागरिकांनी या चर्चेमध्ये सहभागी व्हावे. असे महापालिकेच्या वतीने सांगण्यात आले आहे.
नागरिकांनी आपल्या सूचना किंवा मते #आयुक्तांशीचर्चा किंवा #AskPMCCommissioner हा हॅशटॅग वापरून दुपारी दोन वाजेपर्यंत ट्विट करावेत, असे पुणे महानगरपालिकेने कळविले आहे.
नमस्कार पुणेकर! उद्या पुणे महानगरपालिकेचे मा. आयुक्त विक्रम कुमार #TwitterLive द्वारे आपल्याशी संवाद साधणार आहेत.
त्यासाठी #AskPMCCommisioner किंवा #आयुक्तांशीचर्चा हा हॕशटॕग वापरुन उद्या दुपारी दोन वाजेपर्यंत आपली मते मांडून सहभागी व्हा. pic.twitter.com/WRLGSP7GrQ
— PMC Care (@PMCPune) February 3, 2022
COMMENTS