Policy : PMC : नगरसेवकांना दिलासा : नगरसेवक खरेदी करू शकणार बकेट, कापडी पिशव्या आणि बेंचेस 

 पुणे.  कचऱ्याच्या बादल्या, कापडी पिशव्या, बेंच आणि कचरा वाहतुकीसाठी वापरण्यात येणाऱ्या वाहनांच्या खरेदीत दिसणाऱ्या गडबडीला सर्वपक्षीय नेत्यांनी ब्रेक लावला होता. त्याबाबत एक धोरण ठरवण्यात आले होते. त्यानुसार  एखाद्या नगरसेवकाला या चार वस्तू खरेदी कराव्या लागणार असतील तर त्या खरेदीसाठी नगरसेवकांना केवळ 10 लाखांचा निधी उपलब्ध करून दिला जाणार आहे.  यापेक्षा जास्त निधी उपलब्ध होणार नाही.  सर्वपक्षीय नेत्यांच्या बैठकीत हे धोरण ठरविण्यात आले होती. या धोरणावर स्थायी समिती आणि महासभेची शिक्कामोर्तब आवश्यक होते. स्थायीने त्यास मान्यता दिली होती. आता याबाबतचा अंतिम निर्णय आजच्या सर्वसाधारण सभेत होणार होता. त्यानुसार सभेने मंजुरी दिली आहे. महापालिका निवडणुकीच्या तोंडावर नगरसेवकांना हा दिलासा मानला जात आहे.

 घरोघरी जाऊन कचरा वाटपासाठी नगरसेवकांकडून नागरिकांना प्लास्टिकच्या बादल्या दिल्या जात असतात.  यासोबतच वाहतूक करण्यासाठी वाहनेही उपलब्ध करून दिली आहेत.  या शिवाय नागरिकांसाठी बेंच आणि कापडी पिशव्याही खरेदी केल्या जातात.  या चार वस्तूंच्या खरेदीबाबत वारंवार तक्रारी येत होत्या.  कारण यामध्ये भ्रष्टाचाराची प्रकरणे समोर येत होती.  याबाबत महासभेतही टीकेची झोड उठली होती.  त्यासाठी सर्वपक्षीय नेत्यांच्या बैठकीत चर्चा होऊन याबाबत धोरण ठरविण्यात आले.

  आता सर्वपक्षीय नेत्यांनी अशा खरेदीला ब्रेक लावला आहे.  आगामी काळात एखाद्या नगरसेवकाला या चार वस्तू खरेदी कराव्या लागणार असतील तर त्या खरेदीसाठी नगरसेवकांना केवळ 10 लाखांचा निधी दिला जाणार आहे.  यापेक्षा जास्त निधी उपलब्ध होणार नाही.  म्हणजेच 5 लाखांपर्यंत बादल्यांची खरेदी असेल, तर उर्वरित 5 लाखांच्या बाक, पिशव्या नगरसेवक खरेदी करू शकतात.  सर्वपक्षीय नेत्यांच्या बैठकीत हे धोरण ठरविण्यात आले.  या धोरणावर स्थायी समिती आणि महासभेची शिक्कामोर्तब आवश्यक आहे.   स्थायीने त्यास मान्यता दिली आहे.  आता याबाबतचा अंतिम निर्णय आजच्या सर्वसाधारण सभेत होणार होता.