Maharashtra Samman Parishad | ३ फेब्रुवारी पासून पुणे येथून महाराष्ट्र सन्मान परिषदेस सुरुवात

HomeपुणेBreaking News

Maharashtra Samman Parishad | ३ फेब्रुवारी पासून पुणे येथून महाराष्ट्र सन्मान परिषदेस सुरुवात

Ganesh Kumar Mule Jan 31, 2023 2:37 PM

Three-storey flyover | नगर रस्त्यावरील तीन मजली उड्डाणपूल थेट विमाननगरपर्यंत करणार | अजित पवार यांनी केली पाहणी ; बीआरटी काढण्याची सुचना
MP Supriya Sule | अपघातग्रस्तांना राज्य शासनाने मदत जाहीर करावी |खासदार सुप्रिया सुळे यांची मागणी | नवले पूल परिसरात पुन्हा मोठा अपघात
PMC – PCMC Election 2025 | प्रभाग रचनेचे वेळापत्रक जाहीर | अंतिम प्रभाग रचना ४ सप्टेंबरला 

३ फेब्रुवारी पासून पुणे येथून महाराष्ट्र सन्मान परिषदेस सुरुवात

“आवाज बहुजनांचा , सन्मान महाराष्ट्राचा..!!” या ब्रीद वाक्यासह सुरू होत असलेल्या महाराष्ट्र सन्मान परिषदेचा शुभारंभ शुक्रवार, दि.०३ फेब्रुवारी २०२३ रोजी पुण्यातून होत आहे.
टिळक स्मारक मंदिर येथे होत असलेला हा कार्यक्रम ज्येष्ठ कामगार नेते मा.डॉ. बाबा आढाव यांच्या अध्यक्षतेखाली संपन्न होत असून ,मा.गृहनिर्माणमंत्री.डॉ.जितेंद्र आव्हाड,शिवसेना उपनेत्या मा.सौ.सुषमा अंधारे , सुप्रसिद्ध शाहिर मा.श्री.संभाजी भगत ,सुप्रसिद्ध शिवव्याख्यात्या मा.ॲड.सौ.वैशाली डोळस हे प्रमुख वक्ते या कार्यक्रमासाठी लाभणार आहेत. अशी माहिती पुणे राष्ट्रवादीचे शहर अध्यक्ष प्रशांत जगताप यांनी दिली.

जगताप म्हणाले, गेल्या काही दिवसांपासून सातत्याने आपल्या महाराष्ट्राच्या भूमीचा , येथील महापुरुषांचा अवमान होईल या पद्धतीची कृती या राज्यात सातत्याने घडत आहे.या सर्व अवमानानांचा निषेध करण्यासाठी व अश्या प्रकारच्या प्रवृत्तींना खऱ्या इतिहासाची ओळख करून देण्यासाठी ही यात्रा घेण्यात येत असल्याचे यात्रेचे संयोजक प्रशांत जगताप यांनी सांगितले.

या यात्रेसाठी लोकायत , अखिल भारतीय मराठा महासंघ फुले-शाहू-आंबेडकर विचार मंच भारतीय बौद्ध महासंघ ,म. फुले समता परीषद ,गणराज्य संघ, जमाईत उलेमा ए हिंद , मातंग एकता आंदोलन ,मुलनिवासी मुस्लिम मंच , लहुजी समता परिषद , रिजनल ख्रिश्चन सोसायटी , माळी महासंघ ,हमाल पंचायत पुणे मर्चेंट संघटना, अखिल छत्रपती शिवाजी मार्केट यार्ड युनियन, छत्रपती शिवाजी टेम्पो संघटना महाराष्ट्र राज्य खासगी प्राथमिक शिक्षक व शिक्षकेतर महासंघ समर्थ सेवा रिक्षा प्रतिष्ठान अंगमेहनतीची कष्टकरी संघर्ष समिती,युवा मातंग सेवा संघ, राष्ट्रीय बहुजन महासंघ,पुणे महासंघ,कागद-काच – पत्रा पंचायत आदी सहयोगी संस्था या यात्रेत सहभागी होतील.
प्रवक्ते अंकुश काकडे व प्रदीप देशमुख , महेश शिंदे इ प्रमुख पदाधिकारी पत्रकार परिषदेस उपस्थीत होते