पुणे महापालिकेची गोवर लसीकरणाची विशेष मोहीम | लस घेण्याचे महापालिका आयुक्तांचे आवाहन
पुणे महापालिकेच्यावतीने (pmc pune) गोवर आजारावर प्रतिबंधात्मक उपाय म्हणून विशेष लसीकरण मोहिमेंतर्गत (special vaccination camp) लहान मुलांसाठी गोवर रुबेला लसीकरणाची दुसरी फेरी 15 ते 25 जानेवारी या कालावधीत राबविण्यात येणार आहे.(pune municipal corporation)
त्यानुसार 9 महिने ते 5 वर्ष या वयोगटातील मुलांना लसीकरण करण्याचे आवाहन महापालिकेच्या आरोग्य विभागाने केले आहे. केंद्र व राज्य शासनाच्या मार्गदर्शक सूचनेनुसार पुणे महानगरपालिकेच्या कार्यक्षेत्रात गोवर स्वेना आजारावर प्रतिबंधात्मक उपाययोजना करण्यात येत आहे.
राज्याचे आरोग्य मंत्री डॉ. तानाजी सावंत यांच्या सार्वजनिक आरोग्य कुटुंब कल्याण विभागात शुक्रवारी झालेल्या बैठकीत गोवर प्रतिबंधक आढावा बैठक घेण्यात आला. या बैठकीत सावंत यांनी गोवर रुबेला लस न घेतलेल्या जास्तीत जास्त बालकांचे लसीकरण करण्याच्या सूचना दिल्या होत्या.
त्यानुसार,शहरातील ९ महिने ते ५ वर्ष वयोगटातील सर्व बालकांना गोवर रुबेला लसीकरण करण्यात येणार आहे. महापालिका प्रशासनाच्या सर्व रुग्णालयात ही लसीकरण मोहीम सुरू करण्यात आली आहे. यापूर्वी बाह्य लसीकरण सत्रांमध्ये १५ डिसेंबर ते २५ डिसेंबर दरम्यान पहिली फेरी आयोजित करण्यात आली होती. त्यामध्ये ९ महिने ते ५ वर्षे वयोगटातील बालकांचे लसीकरण करण्यात आले होते
महापालिकेच्या सर्व दवाखान्यात १५ ते २५ जानेवारी या कालावधीत संपूर्ण शहरात लसीकरण मोहिमेची दुसरी फेरी होईल. त्यामध्ये ९ महिने ते ५ वर्षे वयोगटातील बालकाना गोवर रुबेला लसीचा पहिला व दुसरा डोस देण्यात येणार आहे. तरी अद्याप ज्या बालकानी या लसीचा डोस घेतला नाही,
त्या बालकांना पालकांनी नजीकच्या महानगरपालिक दवाखान्यात तसेच मनपा दवाखान्या अंतर्गत घेण्यात येणाऱ्या बाह्य लमीकरण सत्रामध्ये जाऊन बालकाना गोवर रुबेला लसींचा डोस त्वरित घ्यावा, असे आवाहन असे आवाहन महानगरपालिका आयुक्त विक्रमकुमार यांनी केले आहे. (pmc commissioner vikram kumar)
