School Reopen : पुण्यातील 1 ली ते 7 वी पर्यंतच्या शाळा 15 डिसेंबर पर्यंत बंदच : महापौर मुरलीधर मोहोळ यांची माहिती

1 ली ते ७ वी पर्यंतच्या शाळा 15 डिसेंबर पर्यंत बंदच

: 15 डिसेंबर ला बैठक घेऊन  नंतर निर्णय

: महापौर मुरलीधर मोहोळ यांची माहिती

पुणे : राज्य सरकारने (Maharashtra Government) उद्या म्हणजेच 1 डिसेंबर पासून राज्यातील पहिलीपासूनचे वर्ग सुरु (Pune School Reopen) करण्याचा निर्णय घेतला. पण मुंबई महापालिकेने (BMC) 1 डिसेंबरऐवजी 15 डिसेंबरपासून शाळा सुरु (Pune School Reopen) करण्याचा निर्णय घेतला आहे. यानंतर आता पुणे महापालिकेनं (Pune Corporation) देखील पुण्यातील 1 ली ते ७ वी पर्यंतच्या शाळा 15 डिसेंबर पर्यंत बंदच ठेवण्याचा  निर्णय घेतल्याची माहिती पुण्याचे महापौर मुरलीधर मोहोळ (Mayor Muralidhar Mohol) यांनी दिली. 15 डिसेंबर ला बैठक घेऊन पुढील नियोजन केले जाईल, असे ही महापौर म्हणाले.

शाळा सुरु (Pune School Reopen) करण्यासंदर्भात महापौर मुरलीधर मोहोळ आणि महापालिका आयुक्त विक्रम कुमार
(Municipal Corporation Commissioner Vikram Kumar) यांच्या बैठक झाली. या बैठकीत पुण्यातील शाळा 15 डिसेंबरपासून सुरु करण्याचा निर्णय घेण्यात आला आहे. ओमिक्रॉन विषाणू (Omicron Variant) संसर्गाच्या पार्श्वभूमीवर पुण्यात तीन दिवसांसाठी निर्बंध लागू करण्यात आलेले आहेत.
त्यामुळे पुण्यातील शाळा 15 डिसेंबर पर्यंत बंदच ठेवण्याचा  निर्णय महापालिकेनं घेतला आहे.

राज्य सरकारने 1 डिसेंबरपासून पहिली ते चौथी शाळा सुरु करण्याची घोषणा केली आहे. मात्र, पालक संघटना आणि शिक्षण संस्था यांच्यासोबत चर्चा करुन निर्णय घेतला जाईल. असे महापौरांनी सांगितले. त्यामुळे शाळा सुरु (Pune School Reopen) करण्याबाबत प्रशासनात संभ्रम असल्याचे चित्र पहायला मिळत आहे. अखेर पुणे महापालिका आयुक्त आणि महापौर यांच्यात चर्चा झाल्यानंतर पहिली ते सातवीच्या शाळा 15 डिसेंबर पर्यंत बंद ठेवण्याचा निर्णय घेण्यात आला. वर्ग सुरु करण्यासाठीची तयारी पूर्ण झालेली आहे. मात्र, ओमिक्रॉन व्हेरिएंटच्या (Omicron variant) पार्श्वभूमीवर महापालिकेने सावध पवित्रा घेतला आहे.