Helmet : RTO : PMC : हेल्मेट न घालणाऱ्या महापालिका कर्मचाऱ्यांवर दंडात्मक कारवाई  : कारवाईत दुजाभाव केल्याचा कर्मचाऱ्यांचा आरोप 

पुणे : जिल्हाधिकाऱ्यांच्या आदेशानुसार वाहतूक विभागाने हेल्मेट न घालणाऱ्या शासकीय कर्मचाऱ्यांवर कारवाई करण्यास सुरुवात केली आहे. त्यानुसार आज सकाळी ही कारवाई पुणे महापालिकेत झाली. मात्र या कारवाईत दुजाभाव झाल्याचा आरोप महापालिका कर्मचाऱ्यांनी केला आहे.

पुण्याचे जिल्हाधिकारी राजेश देशमुख यांनी पुणेकरांवर हेल्मेट सक्ती लादण्याचा प्रयत्न केला होता. मात्र याला विरोध झाल्याने ही सक्ती माघारी घ्यावी लागती. त्यावेळी जिल्हाधिकाऱ्यांनी स्पष्टीकरण दिले होते कि ही सक्ती फक्त शासकीय कर्मचाऱ्यांसाठी असेल. त्यानुसार वाहतूक विभागाने देखील ही कारवाई करण्यास सुरुवात केली आहे. आज सकाळी वाहतूक पोलिसांनी ही कारवाई पुणे महापालिकेत केली. सकाळी 9:30 वाजताच वाहतूक विभागाचे कर्मचारी महापालिकेच्या इन गेटवर थांबून करू लागले. ज्या कर्मचाऱ्यांच्या गळ्यात महापालिकेचे ID कार्ड होते, त्यांच्यावरच फक्त ही कारवाई होत होती. ज्यांच्याकडे ID नव्हते त्यांना मात्र सोडून देण्यात येत होते. शिवाय pmp डेपोकडील बाजूने जे कर्मचारी प्रवेश करत होते, तिकडे मात्र वाहतूक विभागाचे कुणीही नव्हते. याबाबत मात्र कर्मचाऱ्यांनी प्रश्न उपस्थित केले आहेत.

हेल्मेट च्या दंडाशिवाय आधीच्या मोडलेल्या नियमांचे देखील पावत्या केल्या गेल्या. त्यामुळे काही कर्मचाऱ्यांना 5 हजार पर्यंत दंड भरावा लागला. हे सगळं होत असताना मात्र गेटवर उभे असलेले सुरक्षा कर्मचारी याचा चांगलाच आनंद घेत होते.