Lakshmi road | PMC Pune | लक्ष्मी रस्त्यावरील पार्किंग गैरवापरावर पालिकेच्या बांधकाम विभागाकडून कारवाई

HomeपुणेBreaking News

Lakshmi road | PMC Pune | लक्ष्मी रस्त्यावरील पार्किंग गैरवापरावर पालिकेच्या बांधकाम विभागाकडून कारवाई

Ganesh Kumar Mule Nov 09, 2022 12:54 PM

PMC Contract Employees | कंत्राटी कामगारांच्या बोनससाठी वेतन मर्यादा 35 हजार करण्यासाठी  महापालिका प्रशासनाचा सकारात्मक अभिप्राय
Pune Municipal Corporation’s ranking in health schemes has moved from 4th to 3rd
Urban 95 | PMC Kids Festival 2.0 | पुणे महानगरपालिकेच्या अर्बन९५ बालोत्सव २.० ला 1 लाखांहून अधिक पालक, शिक्षकांचा प्रतिसाद

लक्ष्मी रस्त्यावरील पार्किंग गैरवापरावर पालिकेच्या बांधकाम विभागाकडून कारवाई

पुण्याच्या प्रसिद्ध लक्ष्मी रस्त्यावरील इमारतींच्या बेसमेंट पार्किंगचा मान्य नकाशापेक्षा वेगळा वापर करणाऱ्यांवर पुणे महानगर पालिकेच्या बांधकाम विभागाने कारवाई करून सुमारे चार हजार चौरस फूट बांधकाम पाडले. या वेळी एक ब्रेकर, आणि चार गॅस कटरच्या साह्याने बांधकाम पाडण्यात आले. या वेळी महापालिका कर्मचाऱ्यांसह मोठ्या संख्येने पोलिस बंदोबस्त तैनात होता.

बांधकाम विकास विभागाचे अधीक्षक अभियंता श्री सुधीर कदम, कार्यकारी अभियंता श्री प्रवीण शेंडे यांच्या मार्गदर्शनाखाली झोन क्र सातच्या शाखा /कनिष्ठ अभियंता , उपअभियंता व आरेखक सहाय्यक यांच्या पथकाने बुधवारी सकाळी दहाच्या सुमारास कारवाई सुरू केली.

मागील पंधरा दिवसात पालिकेने ट्युलीप इंजिनिअर्स यांचे सहाय्याने सिटी पोस्ट चौक ते अलका टॉकीज चौक दरम्यानचे सविस्तर सर्वेक्षण करून बेसमेंट, पार्किंगचा मान्य नकाशापेक्षा वेगळा वापर करणाऱ्यांना नोटीसा बजावल्या होत्या. या भागात असणाऱ्या सात मिळकतींमधील दहा ठिकाणी इतर वापर असणाऱ्या मिळकतींना पुणे मनपाने नोटीसा बजावल्या होत्या. त्यावर आज पुणे महापालिकेच्या बांधकाम विभागाच्या पथकाने कारवाई केली .