Pune Mahanagarpalika Bharti Results 2023 | पुणे महापालिकेकडून भरती प्रक्रियेसाठी घेण्यात आलेल्या परीक्षेतील सर्वच पदाचा निकाल घोषित!
Pune Mahanagarpalika Bharti Results 2023 | पुणे महापालिकेच्या (Pune Municipal Corporation) वतीने फायरमन (Fireman) पदाचा निकाल याआधीच घोषित करण्यात आला आहे. त्यानंतर काल रात्री बाकी सर्व पदांचा निकाल घोषित करण्यात आला आहे. महापालिकेच्या वेबसाईट (PMC Website) वर हा निकाल प्रसिद्ध करण्यात आला आहे. अशी माहिती सामान्य प्रशासन विभागाचे उपायुक्त सचिन इथापे (Deputy Commissioner Sachin Ithape) यांनी दिली. (Pune Mahanagarpalika Bharti Results 2023)
पुणे महानगरपालिकेच्या आस्थापनेवरील अग्निशामक विमोचक / फायरमन वर्ग-३ संवर्गातील रिक्त जागा भरणेसाठी जाहिरात ०६/०३/२०२३ रोजी प्रसिद्ध करण्यात आलेली आहे. त्यानुसार उपरोक्त पदाची २२/०६/२०२३ रोजी परीक्षा घेण्यात आली आहे. परीक्षेचा निकाल याआधीच प्रसिद्ध करण्यात आला आहे. (PMC Pune Bharti Results 2023)
त्यानंतर पुणे महानगरपालिकेच्या आस्थापनेवरील क्ष-किरण तज्ञ (रेडिओलॉजिस्ट/सोनोलॉजिस्ट) वर्ग-१,वैद्यकीय अधिकारी/निवासी वैद्यकीय अधिकारी वर्ग-२, उप संचालक (प्राणी संग्रहालय ) ( उप उद्यान अधीक्षक (झू) वर्ग-२, पशु वैद्यकीय अधिकारी वर्ग-२, वरिष्ठ आरोग्य निरीक्षक/सिनिअर सॅनिटरी इन्स्पेक्टर/विभागीय आरोग्य निरीक्षक वर्ग-३, आरोग्य निरीक्षक / सॅनिटरी इन्स्पेक्टर वर्ग-३, कनिष्ठ अभियंता (विद्युत) वर्ग-३, वाहन निरीक्षक/व्हेईकल इन्स्पेक्टर वर्ग-३, मिश्रक / औषध निर्माता वर्ग-३, पशुधन पर्यवेक्षक (लाईव्ह स्टॉक सुपरवायझर) वर्ग-३ या संवर्गाच्या रिक्त जागा भरणेसाठी ०६/०३/२०२३ रोजी प्रसिद्ध करण्यात आलेली होती.
त्यानुसार या पदांच्या २२/०६/२०२३ व ०२/०७/२०२३ रोजी परीक्षा घेण्यात आल्या आहेत. परीक्षेचा निकाल व कागदपत्रे तपासणीसाठी पात्र उमेदवारांची यादी पुणे महानगरपालिकेच्या संकेतस्थळावर प्रसिद्ध करण्यात येत आहे. त्यानुषंगाने कागदपत्रे तपासणीसाठी स्वतंत्ररीत्या वेळापत्रक प्रसिद्ध करण्यात येईल. असे महापालिका प्रशासनाकडून सांगण्यात आले.
: या संकेतस्थळावर पहा निकाल
https://www.pmc.gov.in/recruitment/recruitmentmr.html
—
News Title | Pune Mahanagarpalika Bharti Results 2023 | Pune Municipal Corporation announced the results of all the posts in the recruitment process!
