Pramod Nana Bhangire | महापुरुषांच्या पुतळ्याच्या संरक्षणासाठी प्रमोद नाना भानगिरे यांच्या पुढाकाराने सीसीटीव्ही यंत्रणा कार्यान्वित
Pramod Nana Bhangire – (The Karbhari News Service) – गेल्या काहीच दिवसांपूर्वी हडपसर मधील ससाणे नगर येथे असलेल्या हिंदवी स्वराज्याचे संस्थापक, आराध्य दैवत छत्रपती शिवाजी महाराज यांच्या पुतळ्याची काही अज्ञात समाजकंटकांनी विटंबना केल्याचा प्रकार समोर आल्यानंतर शिवसेना पुणे शहरप्रमुख प्रमोद नाना भानगिरे यांनी स्वखर्चाने छत्रपती शिवाजी महाराजांच्या पुतळ्याच्या संपूर्ण परिसरात सीसीटीव्ही यंत्रणा तातडीने कार्यान्वित करून पोलीस निरीक्षकांना तातडीने या प्रकारा मागच्या आरोपीवर कडक कारवाई करण्याचे सांगितले.
छत्रपती शिवाजी महाराजांच्या पुतळ्याची होणारी विटंबना ही अत्यंत निंदनीय व महाराष्ट्रातील प्रत्येक नागरिकांच्या भावना प्रक्षुब्ध करणारी आहे, महापुरुषांच्या पुतळ्यांचे संरक्षण करणे ही शासनाबरोबरच आपली ही नैतिक जबाबदारी समजून महापुरुषांच्या होणाऱ्या विटंबनेच्या घटनेतून परिसरात कायदा व सुव्यवस्थेचा प्रश्न निर्माण होऊ शकतो. अशा प्रकारांनी समाजा-समाजामध्ये तेढ निर्माण करण्याचा प्रयत्न देखील होऊ शकतो, अशा घटनांना कायमचा पायबंद घालावा म्हणून शहरप्रमुख प्रमोद नाना भानगिरे यांच्या पुढाकाराने छत्रपती शिवाजी महाराजांच्या पुतळ्याचा अवमान करणारी कोणतीही घटना भविष्यात घडू नये. यासाठी ससाणेनगर येथील छत्रपती शिवाजी महाराजांच्या स्मारकाभोवती सी.सी.टी.व्ही कॅमेऱ्याची यंत्रणा कार्यान्वित करण्यात आली असून घडलेल्या प्रकाराचा जलदगतीने तपास करून तत्काळ समाजकंटकांवर कडक कारवाई करण्यात यावी अशी मागणीही प्रमोद नाना भानगिरे यांनी केली आहे.
