PMC Pune Property Tax | प्रॉपर्टी टॅक्स च्या सवलती आणि बिलांबाबत पुणे महापालिका FM रेडिओ वरून करणार जाहिरात
PMC Pune Property tax | पुणे महानगरपालिकेकडून (Pune Municipal Corporation)) राबविण्यात येणा-या मिळकतकरासंबंधी (Property tax) विविध योजनेची माहिती तसेच मिळकतकराच्या बिलातील (Property tax bills) सवलतीची माहिती नागरिकांना होणेसाठी एफ एम रेडिओच्या माध्यमाद्वारे जाहिरात (FM Radio advertising) करण्यात येणार आहे. यासाठी 35 लाखांपर्यंत खर्च करण्यात येणार आहे. यासाठी निविदा(Tender) न मागविता कलम ५(२) (२) नुसार खात्याच्या आवश्यकतेनुसार काम करून घेण्यात येणार आहे. याबाबतच्या प्रॉपर्टी टॅक्स विभागाच्या (PMC Property tax department) प्रस्तावाला स्थायी समितीची (PMC standing committee) नुकतीच मान्यता मिळाली आहे. (PMC Pune Property tax)
प्रशासनाच्या प्रस्तावावनुसार पुणे शहरातील थकीत बाकी असणाऱ्या सर्व मिळकतकर थकबाकीधारकांना (Property holder) त्याच्या मिळकतीवरील थकबाकी व त्यावरील शास्तीची (दराची) रक्कम त्वरीत मनापाकडे जमा करण्यासाठी जास्तीत जास्त नागरिकांना माहिती होण्यासाठी, अभय योजना सवलत इ. नागरिकांनी मनपाकडे भरणा करण्याकरीता मोठ्या प्रमाणावर जाहिरात करणे आवश्यक आहे. रेडिओ (Radio FM) हे एक चांगले माध्यम असून, रेडिओमार्फत केलेल्या जाहिरातीस मोठ्या प्रमाणावर नागरिकांना माहिती मिळण्यास मदत होते. (Radio FM advertising)
एंटरटेनमेंट नेटवर्क इंडिया लि., रेडिओ मिर्ची एफ एम ९८.३., म्युझिक ब्राडकास्ट लि. रेडिओ सिटी ९१.१, बिग एफ एम रिलायन्स ब्राडकास्ट नेटवर्क लि. रेड एफ एम ९५, साऊथ एशिया एफ एम लि. रेड एफ एम
९३.५, प्रसार भारती आल इंडिया रेडिओ, नेक्स्ट रेडिओ लि. रेडिओ वन ९४.३ या कंपन्या कार्यरत आहे. विविध रेडिओ कंपनीकडून दर प्राप्त करुन खात्याच्या आवश्यकतेनुसार व योजनेनुसार रेडिओ कंपनीकडून काम करून घेतले जाते. नागरिकांपर्यंत पोहचण्याकरीता रेडिओ हे उत्तम माध्यम असून सर्वसामान्य नागरिकापर्यत जाहिरातीद्वारे पोहचण्यासाठी वारंवार मान्यता न घेता निवेदन मान्य झालेनंतर कार्यादेशाच्या दिनाकापासून पुढील एक वर्षापर्यंत वेळोवेळी देण्यात आलेल्या कार्यादेशानुसार बिल आदा करेपर्यंत काम करुन घेण्यात येते. (PMC Pune Marathi News)