PMC Pune Fireman Bharti Physical Exam | फायरमन पदाच्या शारीरिक चाचणी परीक्षेसाठी मैदान निश्चित | पुणे मनपा कडून जाहीर प्रकटन प्रसिद्ध
Pune Mahanagarpalika Fireman Bharti 2023 | पुणे महापालिकेच्या (Pune Municipal Corporation) वतीने फायरमन (Fireman) पदासाठी पात्र झालेल्या 575 उमेदवारांची शारीरिक चाचणी परीक्षा 26 ते 29 ऑक्टोबर या कालावधीत घेण्यात येणार आहे. त्यानुसार उमेदवारांची शारीरिक पडताळणी चाचणी परीक्षा मा. पोलीस अधीक्षक, पुणे ग्रामीण विभाग, पाषाण, पुणे यांचे कार्यालयांतर्गत असलेल्या मैदानावर होणार आहे. यासाठी जाहीर प्रकटन प्रसिद्ध करण्यात आले आहे. अशी माहिती सामान्य प्रशासन विभागाचे उपायुक्त सचिन इथापे (Deputy Commissioner Sachin Ithape) यांनी दिली. (Pune Mahanagarpalika Bharti 2023)
पुणे महापालिकेच्या वतीने 320 पदांची भरती प्रक्रिया राबवण्यात आली. यातील 200 जागा या फायरमन पदाच्या होत्या. त्यानुसार महापालिकेकडे 3500 हून अधिक अर्ज आले होते. या उमेदवारांची परीक्षा घेण्यात आली. 120 मार्कांची परीक्षा होती. यात किमान 54 गुण मिळणे आवश्यक होते. यात 666 लोक उत्तीर्ण झाले. उत्तीर्ण झालेल्या उमेदवारांच्या कागदपत्रांची पडताळणी करण्यात आली. त्यानुसार शारीरिक चाचणी परीक्षेसाठी 575 उमेदवार पात्र ठरत आहेत. त्यानुसार शारीरिक चाचणी परीक्षा ही 26, 27 आणि 28 ऑक्टोबरला घेण्याचे नियोजन करण्यात आले आहे. (Pune Municipal Corporation)
| असे आहे जाहीर प्रकटन
पुणे महानगरपालिकेच्या आस्थापनेवरील वर्ग- १ ते वर्ग-३ च्या रिक्त जागा भरणेकामी जाहिरात क्र. १/१३६२ दि. ०६/०३/२०२३ रोजी प्रसिद्ध करण्यात आली होती. सदर जाहिरातीच्या अनुषंगाने अग्निशामक विमोचक / फायरमन या पदाच्या उमेदवारांची शारीरिक पडताळणी चाचणी परीक्षा दि. २६ ते २९ ऑक्टोबर २०२३ या कालावधीत घेणेत येणार आहे. या करिता बोलविलेल्या उमेदवारांची यादी, वेळापत्रक व उमेदवारांसाठी सूचना पुणे महानगरपालिकेच्या संकेतस्थळावर (PMC Website) प्रसिद्ध केलेल्या आहेत.
त्यानुसार उमेदवारांची शारीरिक पडताळणी चाचणी परीक्षा मा. पोलीस अधीक्षक, पुणे ग्रामीण विभाग, पाषाण, पुणे यांचे कार्यालयांतर्गत असलेल्या मैदानावर होणार आहे. सदर चाचणीसाठी उमेदवारांनी सकाळी ०६.०० वाजता यादीनुसार नेमून दिलेल्या दिवशी मैदानावर उपस्थित राहावयाचे आहे. तसेच मैदानी चाचणीनंतर याच उमेदवारांची पोहणे व अग्निशमन साहित्याची ओळख यांची चाचणी परीक्षा महाराष्ट्र कामगार कल्याण मंडळाचे कामगार कल्याण भवन, विद्याविकास शाळेजवळ, सहकारनगर पुणे येथे पूर्ण होईल.
सविस्तर माहिती, सूचना, वेळापत्रक व उमेदवारांची यादी या साठी वेळोवेळी पुणे महानगरपालिकेचे
संकेतस्थळ pmc.gov.in यावर खातरजमा करावी.
संकेतस्थळ pmc.gov.in यावर खातरजमा करावी.
———
