PMC Labour Welfare Department | अपघाती मृत्यू झालेल्या महापालिका कर्मचारी विजय गेजगे यांच्या वारसाला २५ लाख | मुख्य कामगार अधिकारी नितीन केंजळे यांची माहिती
Pune PMC News – (The Karbhari News Service) – शिवाजीनगर घोलेरोड क्षेत्रिय कार्यालयाकडील कचरा मोटार बिगारी सेवक कै. विजय गोपाळ गेजगे यांचा ५ March २०२५ रोजी अपघाती मृत्यू झाला होता.
संबंधित सेवकाच्या वारस पत्नी श्रीमती दिपाली विजय गेजगे यांना मंगळवार रोजी रक्कम रुपये २५ लाखाचा धनादेश श्रीमती पवनीत कौर (अतिरिक्त महापालिका आयुक्त – जनरल) यांचे हस्ते देण्यात आला. यावेळी कामगार कल्याण विभागाचे खाते प्रमुख नितीन केंजळे (मुख्य कामगार अधिकारी) व कर्मचारी मंगेश जाधव (लिपिक टंकलेखक) हे उपस्थित होते. (PMC Accident Insurance)
पुणे महानगरपालिकेच्या कायम आस्थापनेवरील अधिकारी/कर्मचारी यांचेसाठी समुह वैयक्तिक अपघात विमा योजना महाराष्ट्र शासनाच्या धर्तीवर सन २०१६ पासून पुणे महानगरपालिकेत राबविण्यात येत आहे. या योजने अंतर्गत कामगार कल्याण विभागामार्फत आज अखेर २४ सेवकांच्या वारसांना २,४९,६०,०००/- रक्कम अदा करण्यात आले आहेत.
याबाबत संबंधीत सेवकाच्या वारसांनी या आर्थिक मदतीबद्दल पुणे महानगरपालिकेचे अभार मानले.
COMMENTS