Abhay Yojna : Tax Collection : PMC : अभय योजनेतून महापालिकेला मिळाले 109 कोटी!   : चालू आर्थिक वर्षात 1471 कोटींचे उत्पन्न 

पुणे : मिळकत करातून जास्तीत जास्त वसुली होण्यासाठी महापालिका प्रयत्नशील आहे. नुकतीच महापालिकेने अभय योजना लागू केली होती. त्याची मुदत 26 जानेवारी पर्यंत होती. 7 जानेवारी ते 26 जानेवारी या कालावधीत अभय योजनेतून महापालिकेला 109 कोटींचे उत्पन्न मिळाले आहे. तर चालू आर्थिक वर्षात महापालिकेला तब्बल 1471 कोटींचे उत्पन्न मिळाले आहे. अशी माहिती महापालिका प्रशासनाकडून देण्यात आली. महापालिकेला हा चांगलाच दिलासा मानला जात आहे.

महापालिकेने निवासी मिळतीसाठी अभय योजना लागू केली होती. 1 कोटी पर्यंतच्या मिळकतकर थकबाकीदारासाठी ही योजना राबवबयात येत आहे. या योजनेची मुदत 26 जानेवारी पर्यंत होती. ती आता वाढवून 28 फेब्रुवारी करण्यात आली आहे. मात्र त्यावर अजून प्रशासनाकडून अंमल करण्यात आलेला नाही. दरम्यान 7 जानेवारी ते 26 जानेवारी या कालावधीत अभय योजनेतून महापालिकेला 109 कोटींचे उत्पन्न मिळाले आहे. तर चालू आर्थिक वर्षात महापालिकेला तब्बल 1471 कोटींचे उत्पन्न मिळाले आहे. अशी माहिती महापालिका प्रशासनाकडून देण्यात आली. अभय योजनेचा लाभ 48460 लोकांनी घेतला आहे. तर आतापर्यंत 8 लाख 46 हजार 498 लोकांनी 1471 कोटींचा टॅक्स जमा केला आहे. मागील वर्षी वर्षभरात 7 लाख 80 हजार 357 लोकांनी 1366 कोटींचा टॅक्स जमा केला होता.