Pune : Petrol, Diesel : पेट्रोल – डीझेल ची दरवाढ थांबण्याचे नाव घेईना 

पेट्रोल – डीझेल ची दरवाढ थांबण्याचे नाव घेईना

पुणे : पेट्रोल व डिझेलच्या दरात दररोज वाढ होत असून ती थांबण्याचे नाव घेत नाही. तेल कंपन्यांनी बुधवार पाठोपाठ आज गुरुवारीही पुन्हा दरवाढ (Petrol Diesel Price Pune) केली आहे.

पेट्रोलच्या दरात आज पुन्हा प्रति लिटर ३५ पैशांनी वाढ केली आहे. आज पुण्यात पेट्रोलचा दर १११.९३ रुपये लिटर झाला (Petrol Diesel Price Pune) आहे. डिझेलच्या भावातही आज प्रति लिटर ३६ पैशांनी वाढ करण्यात आली आहे. त्यामुळे आता पुण्यात डिझेलचा दर १०१.१७ रुपये लिटर इतका भडकला आहे.

पॉवर पेट्रोलही प्रति लिटर ३४ पैशांनी महागले आहे. पॉवर पेट्रोलचा दर ११५.६१ रुपये लिटर झाला आहे.
तेल कंपन्यांनी पेट्रोल व डिझेलच्या दरात रविवारी वाढ केल्यानंतर सोमवारी आणि मंगळवारी कोणतही वाढ केली नव्हती. त्यानंतर बुधवारी पेट्रोलमध्ये ३३ तर डिझेलमध्ये ३४ पैशांनी लिटरमागे वाढ केली होती. त्यानंतर आज पुन्हा दरवाढ करण्यात आली आहे.