आरोग्य विभागात मानधन तत्वावर काम करणाऱ्या 75 कर्मचाऱ्यांची कायमस्वरूपी नियुक्ती
| पुणे महापालिका आयुक्तांचा निर्णय
पुणे | प्रजनन व बाल आरोग्य कार्यक्रम (RCH) फेज 2 अंतर्गत पुणे महापालिकेतील मानधन तत्वावर कार्यरत असलेले अधिकारी आणि कर्मचारी यांची महापालिका आस्थापनेवरील रिक्त जागांवर कायमस्वरूपी नेमणूक करण्यात आली आहे. याबाबतचे आदेश महापालिका आयुक्त विक्रम कुमार यांनी जारी केले आहेत.
प्रजनन व बाल आरोग्य कार्यक्रम (RCH) फेज 2 साठी आरोग्य विभागात 75 कर्मचाऱ्यांना मानधन तत्वावर कामावर घेण्यात आले होते. या कर्मचाऱ्याकडील अनुभव विचारात घेता महापालिका सेवा प्रवेश नियमावली नुसार संबंधित पदाची अर्हता धारण करणाऱ्या कर्मचाऱ्यांची आरोग्य विभागाकडे प्रजनन व बाल आरोग्य कार्यक्रमाकरिता कायस्वरूपी नेमणूक करण्यात आली आहे. या कर्मचाऱ्यांना रुजू करून घेताना सेवा निमयमावलीतील अटींचे पालन करावे लागणार आहे. असे महापालिका आयुक्तांनी आदेशात म्हटले आहे.
– हे आहेत कर्मचारी
