महापालिका आरोग्य अधिकारी डॉ आशिष भारती यांची अखेर बदली
| राज्य सरकारकडून आदेश जारी
सरकारच्या आदेशानुसार जिल्हा आरोग्य अधिकारी या संवर्गातील डॉ. आशिष हिरालाल भारती यांची दि.३०.०९.२०२० च्या शासन आदेशान्वये पुणे महानगरपालिकेच्या “आरोग्य वैद्यकीय अधिकारी” या पदावर एक वर्षाच्या कालावधीसाठी प्रतिनियुक्तीने नियुक्ती करण्यात आली. तदनंतर, दि.०८.०२.२०२२ च्या आदेशान्वये डॉ. आशिष भारती यांच्या प्रतिनियुक्तीस दि.०५.१०.२०२१ पासून पुढे एक वर्ष म्हणजेच दि.०४.१०.२०२२ पर्यंत मुदतवाढ देण्यात आलेली होती.
आदेशात पुढे म्हटले आहे कि, आता, सक्षम प्राधिकारी यांनी दिलेल्या मान्यतेनुसार डॉ. आशिष हिरालाल भारती यांची पुणे महानगरपालिकेच्या “आरोग्य वैद्यकीय अधिकारी” या पदावरील प्रतिनियुक्ती दि.०१.०३.२०२३ (म.नं.) पासून संपुष्टात आणण्यात येत आहे. त्यानुसार डॉ. आशिष हिरालाल भारती यांनी पुढील आदेश होईपर्यंत त्यांच्याकडील पुणे महानगरपालिकेच्या “आरोग्य वैद्यकीय अधिकारी” या पदाचा कार्यभार महानगरपालिकेतील सक्षम प्राधिकारी यांच्याकडे तात्काळ सुपूर्द करून उप संचालक, आरोग्य सेवा, पुणे मंडळ, पुणे यांच्या कार्यालयात हजर व्हावे.
