आपल्या प्रभागातील रस्त्यांची कामे आणि खर्चाची आमदार मुक्ता टिळक यांनी मागवली माहिती
पुणे : प्रभाग क्रमांक 15 मधील रस्त्यांच्या कामावरून स्थायी समिती(Staning Commitee) विरुद्ध आमदार मुक्ता टिळक(MLA Mukta Tilak) असा वाद पाहायला मिळाला होता. आमदार टिळक यांनी स्थायी समिती कामे अडवत असल्याचा आरोप केला होता. त्यांनतर आता आमदार टिळक यांनी प्रभाग 15 मधील रस्त्यांची कामे, खर्च आणि तरतुदीची माहिती महापालिका प्रशासनाकडे(PMC) मागितली आहे.
: कुठली माहिती मागवली?
शिवाजी रस्ता डांबरीकरण करण्यासाठी आमदार मुक्ता टिळक यांनी स्थायी समितीकडे वर्गीकरण करण्या संदर्भात प्रस्ताव दिला होता. मात्र समितीने तो दोन महिन्यासाठी पुढे ढकलला आहे. समितीच्या या भूमिकेमुळे वादंग निर्माण झाले होते. आमदार टिळक यांनी स्थायी समिती कामे अडवत असल्याचा आरोप(Allegation) केला होता. त्यांनतर आता आमदार टिळक यांनी प्रभाग 15 मधील रस्त्यांची कामे, खर्च आणि तरतुदीची माहिती महापालिका प्रशासनाकडे मागितली आहे.
टिळक यांच्या पत्रानुसार माझ्या प्रभाग क्र. १५ मधील छ. शिवाजी रस्ता, लक्ष्मी रस्ता, टिळक रस्ता, बाजीराव रस्ता, केळकर आणि कुमठेकर रस्ता या मुख्य रस्त्यांच्या देखभाल, दुरुस्ती बाबत खालील माहिती(Information) मिळावी.
१) वर उल्लेख केलेल्या मुख्य रस्त्यांच्या देखभाल, दुरुस्ती आणि डांबरीकरणासाठी प्रत्येकी किती खर्च अपेक्षित आहे?
२) या खर्चासाठी प्रत्येक रस्त्यास किती निधि उपलब्ध आहे?
३) आवश्यक निधि उपलब्ध नसल्यास त्याची पूर्तता कुठून करण्यात येणार आहे अथवा केलेली आहे. तरतूद केली असल्यास कधी करण्यात आली आहे?
4) वर उल्लेख केलेल्या मुख्य रस्त्यांच्या दुरुस्ती आणि डांबरीकरणासाठीच्या निविदा प्रक्रियेच्या सद्यस्थितीची माहिती मिळावी.
वर उल्लेख केलेल्या विषयांबाबत संपूर्ण माहिती ३ दिवसात लेखी स्वरुपात मिळावी. असे ही पत्रात म्हटले आहे.
COMMENTS