Kothrud Police Pune | पालकमंत्री चंद्रकांतदादा पाटील यांच्या हस्ते कोथरुडच्या जिगरबाज पोलिसांचा सत्कार
Kothrud Police Pune | काही दिवसांपूर्वी कोथरूड पोलिसांच्या (Kothrud Police) कर्तव्यदक्षतेमुळे दोन दहशतवाद्यांना पकडण्यात यश आले. आज पालकमंत्री चंद्रकांतदादा पाटील (Guardian Minister Chandrakant Patil) यांनी कोथरुड पोलीस निरीक्षक हेमंत पाटील यांच्या नेतृत्वातील सर्व टीमचा विशेष सत्कार करुन अभिनंदन केले. पोलीस अधिकारी आणि कर्मचाऱ्यांच्या कर्तव्यदक्षतेचा सर्वांना अभिमान असल्याचे गौरवोद्गार त्यांनी यावेळी काढले. (Kothrud Police Pune)
राष्ट्रीय तपास यंत्रणांकडून फरार म्हणून घोषित केलेल्या दोन दहशतवाद्यांना कोथरुड पोलिसांच्या कार्यतत्परतेमुळे पकडण्यात यश आले. या कारवाईत पोलिस अंमलदार प्रदीप चव्हाण व अमोल नजन यांच्या सह पोलीस उपनिरीक्षक प्रवीण कुलकर्णी, पोलीस अंमलदार बाला रफी शेख, अनिकेत जमदाडे, ज्ञानेश्वर पांचाळ, वैभव शिरकाल यांनी अतिशय शिताफीने दोघांना पकडले. (Pune Police)
कोथरुड पोलिसांच्या या कारवाईचे संपूर्ण देशभरातून कौतुक होत असून, पालकमंत्री चंद्रकांतदादा पाटील यांनी आज आपल्या कोथरुडमधील निवासस्थानी सर्व पोलिसांचा यथोचित सन्मान करुन, त्यांच्या कार्याचे कौतुक केले.
यावेळी भाजपा नेते शैलेश टिळक, प्रदेश प्रवक्ते संदीप खर्डेकर, भाजपा कोथरुड मंडल अध्यक्ष पुनीत जोशी हे देखील उपस्थित होते.
News Title |Kothrud Police Pune | Guardian Minister Chandrakantada Patil felicitated the brave policemen of Kothrud
