बाहेर पडताना काळजी घ्या | खडकवासला धरणातून 30 हजार क्‍यूसेक पाण्याचा विसर्ग
पुणे : खडकवासला धरणसाखळी प्रकल्पातील चारही धरणांच्या पाणलोट क्षेत्रात मुसळाधार पाऊस सुरू असल्याने आज दुपारी 1 वाजता खडकवासला धरणातून 30 हजार 677 क्‍यूसेक पाणी विसर्ग मुठा नदीत सुरु करण्यात आला आहे. त्यामुळे नागरिकांनी बाहेर पडताना सावधानी बाळगावी.
त्यामुळे, नदीकाठच्या भागात पूरस्थिती उद्भवण्याची शक्‍यता असून नागरिकांनी आपले वाहने तसेच इतर साहित्य काढून घ्यावे असे आवाहन महापालिका तसेच पाटबंधारे विभागाकडून करण्यात आले आहे.
यंदाच्या हंगामातील हा सर्वाधिक विसर्ग असून पावसाचे प्रमाण वाढल्यास हा विसर्ग आणखी वाढविला जाण्याची शक्‍यता या दोन्ही विभागांकडून व्यक्त करण्यात आली आहे. तसेच, नदीकाठच्या भागात सुरक्षेसाठी आपत्ती व्यवस्थापन विभागाची पथकेही तैनात करण्यात आली आहेत.
