नदीकाठ सुधार प्रकल्पा वरून पुणे मनपाला जलसंपदा विभागाचा निर्वाणीचा इशारा
| खासदार वंदना चव्हाण यांची माहिती
जलसंपदा विभागाने पुणे मनपाच्या नदीकाठ सुधार प्रकल्पावर अनेक वेळा आक्षेप घेतले आहेत. “ह्या प्रकल्पाचे काम; सर्व शंका निरसन शास्त्रीय पद्धतीने झाल्या शिवाय सुरू करू नका.” असेही स्पष्ट निर्देशही दिले आहेत. परंतु पुणे मनपाने जलसंपदा विभागाच्या सर्व आदेशांना पूर्णपणे झुगारून ह्या प्रकल्पाचे काम सुरू केले आहे आणि नदीपात्रात प्रचंड मोठ्या प्रमाणावर राडारोडा टाकायला सुरुवात केली आहे.
मनपाच्या ह्या बेगुमान कृत्यामुळे पुण्यामध्ये ऐन पावसाळ्यात मोठी पूर परिस्थिती उद्भवू शकते. या परिस्थितीची गंभीर दखल घेत खा. वंदना चव्हाण यांनी मुख्य अभियंता, जलसंपदा यांना या विषयात लक्ष घालण्याची विनंती केली. सदर नदी काठ सुधार प्रकल्पाच्या चालू असलेल्या कामाचा आढावा घेऊन या. असा मुख्य अभियंता यांनी आता पुणे मनपाला निर्वाणीचा इशारा दिला आहे.
“नदी प्रवाहाला अडथळा येता कामा नये. नदीची वहन क्षमता कमी होऊ नये. नदीच्या काटछेदात कोणताही बदल होता कामा नये.” तसेच, “नदी प्रवाहाला अडथळा आणणाऱ्या बांधकामा विरुद्ध मुख्य अभियंता कारवाई करू शकतील.” एवढेच नव्हे तर, “या कामा मुळे पूर आल्यास; त्याला पूर्णपणे पुणे मनपाच जबाबदार असेल.” असा स्पष्ट इशारा जलसंपदा विभागाने पुणे मनपाला दिला आहे. अशी माहिती खासदार वंदना चव्हाण यांनी दिली आहे.
