Baner-Balewadi Water Issue | बाणेर-बालवाडीच्या नागरिकांकडून पाणीपुरवठ्या बाबत पुणे महापालिकेचे कौतुक!
Baner-Balewadi Water Issue – (The Karbhari News Service) – पुणे महापालिका (Pune Municipal Corporation (PMC) हद्दीतील बाणेर, बालेवाडी आणि वारजे भागात पाण्याची समस्या खूप मोठ्या प्रमाणावर होती. मात्र महापालिकेने एल अँड टी (L And T) कंपनीच्या माध्यमातून समान पाणीपुरवठा योजने (24*7 equivalent Water Project) अंतर्गत केलेल्या कामामुळे आता नागरिकांना पुरेसे पाणी मिळू लागले आहे. शिवाय नागरिकांच्या तक्रारींवर देखील तात्काळ दखल घेऊन समस्या सोडवली जाते. त्यामुळे नागरिक महापालिका पाणीपुरवठा विभाग आणि कंपनीचे कौतुक करत आहेत. (PMC Water Supply Department)
बाणेर, बालेवाडी आणि वारजे परिसरातील पाणीप्रश्न हा उच्च न्यायालय पर्यंत जाऊन पोचला होता. नागरिकांना समान पाणी मिळत नसल्याने नागरिक हैराण झाले होते. याबाबत राजकीय लोक देखील पाठपुरावा करत होते.
दरम्यान महापालिका पाणीपुरवठा विभागाने या परिसरात एल अँड टी च्या माध्यमातून समान पाणीपुरवठा योजना चांगल्या पद्धतीने अंमलात आणण्याचे ठरवले. त्यानुसार महापालिकेने आवश्यक त्या ठिकाणी पाईपलाईन टाकत नागरिकांना पाणी उपलब्ध करून दिले. तसेच नागरिकांच्या तक्रारींचे निराकरण करण्यासाठी संबंधित कंपनीचे कमर्चारी उपलब्ध करून दिले. हे कर्मचारी नागरिकांच्या मागणीनुसार पुरवठा करत आहेत. त्यामुळे परिसरातील पाणीप्रश्न बऱ्यापैकी मार्गी लागला आहे. याबाबत महापालिका प्रशासन आणि एल अँड टी कंपनीचे परिसरातील नागरिक आणि सोसायट्याकडून कौतुक होत आहे. त्यामुळे महापालिका देखील आता समाधानी आहे.
—
आमच्या तक्रारीची महापालिका प्रशासन आणि एल अँड टी कंपनी कडून तात्काळ दखल घेतली जाते. तसेच समान पाणीपुरवठा योजनेच्या माध्यमातून पाणी प्रश्न सुटण्यास मदत झाली आहे. प्रशासनाने नागरिकांचा पाणीसमस्येचा गांभीर्याने विचार करून पाणीपुरवठा विभाग व L and T कंपनीच्या माध्यमातून तक्रारीचे करून पाणीपुरवठा सुरु करून दिल्याबद्दल पाणीपुरवठा विभाग, प्रशासनाचे व L&T कंपनीचे मनस्वी आभार.
– कुणाल अस्पायर को ऑपरेटिव्ह हाऊसिंग सोसायटी ली.
