खडकवासला साखळीतील ४ चार धरणात जमा झाले ७ टीएमसी पाणी!
| पाणीकपाती पासून पुणेकरांची होणार सुटका
पुणे : शहराला पाणी पुरवठा करणाऱ्या खडकवासला धरण साखळीत गेल्या आठवड्यापासून जोरदार पाऊस पडत आहे. त्यामुळे पानशेत, वरसगाव, टेमघर आणि खडवासाला या चारही धरणाचा एकूण पाणीसाठा ६.९५ टीएमसी झाला आहे. दरम्यान आता हे पाणी आगामी ५ महिने पुरेल इतके आहे. त्यामुळे आता पुणे शहरात पाणीकपात होईल, अशी शक्यता दिसत नाही. असे प्रशासनातील सूत्रांनी स्पष्ट केले.
खडकवासला धरण साखळीतील ४ धरणातील पाणी खूप कमी झाले होते. त्यामुळे महापालिका प्रशासनाने शहरात एक दिवसाआड पाणी सुरु केले होते. मात्र ईद आणि आषाढी एकादशी मुळे तात्पुरती त्याला स्थगिती देण्यात आली होती. मात्र आता धरण क्षेत्रात वाढणारा पाण्याचा साठा पाहून पाणी कपात होईल असे चित्र दिसत नाही. ह पुणेकरांसाठी दिलासाच आहे.
धरणातील पाणी साठा २ जुलै रोजी २.५१ टीएमसी पर्यंत खाली आला होता. मात्र, गेल्या आठवड्यापासून या चारही धरणात पावसाला सुरुवात झाली होती. धरणाच्या पाणलोट क्षेत्रात जोरदार पाऊस झाल्याने आता ५ महिन्यांचे पाणी वाढले आहे. सोमवारी सायंकाळी हा पाणीसाठा २.७६ टीएमसी होता तो मंगळवारी सकाळी ०.२० ने वाढून २.९६ झाला तर बुधवारी सकाळी हा पाणी साठा ३.६७ टीएमसी झाला. गुरुवारी सायंकाळी हा पाणी साठा ४.९३ टीएमसी झला होता. शनिवारी सायंकाळी हा साठा ६.९५ टीएमसी इतका झाला आहे. या चारही धरणात अद्यापही पासून सुरू असल्याने मोठ्या प्रमाणात ओढे, नाले तसेच आसपासच्या परिसरातून पाणी येत असल्याने हा साठा आणखी वाढेल अशी शक्यता वर्तविण्यात येत आहे. पाटबंधारे विभागाच्या माहितीनुसार, खडकवासला २२ मिमी, पानशेत ८५ मिमी, वरसगाव ८६ मिमी तर टेमघर धरणात १०० मिमी पावसाची नोंद गेल्या २४ तासात झाली आहे.
