Jawaharlal Nehru Jayanti | गांधी-नेहरू यांच्या विचारांमुळे लोकशाही आजही मजबूत – रमणिक मुनीजी महाराजसाहेब

पुण्यातील व्याख्यानात गांधी-नेहरू यांच्या विचारांचे महत्त्व विशद करताना रमणिक मुनीजी महाराजसाहेब.

Homeपुणे

Jawaharlal Nehru Jayanti | गांधी-नेहरू यांच्या विचारांमुळे लोकशाही आजही मजबूत – रमणिक मुनीजी महाराजसाहेब

Ganesh Kumar Mule Nov 16, 2026 7:20 PM

PMRDA receives Rs. 410 cr from Centra Government for the Pune Metro Line
Dr Siddharth Dhende | म्‍हाडा इमारतीच्‍या पुर्नविकासाकरिता जेनझी, जेन अल्फा उतरणार रस्‍त्‍यावर
PMP Travel Without Ticket | ‘पीएमपीएमएल’कडून  मे व जून  या कालावधीत विनातिकीट प्रवाशांकडून १२ लाख ८९ हजार दंड वसुली!

Jawaharlal Nehru Jayanti | गांधी-नेहरू यांच्या विचारांमुळे लोकशाही आजही मजबूत – रमणिक मुनीजी महाराजसाहेब

 

Ramnik Muniji Maharaj Saheb – The Karbhari News Service – महात्मा गांधींनी घडविलेली अहिंसक मने आणि द्वेष भावना न ठेवता पंडित नेहरू यांनी केलेली भारताची उभारणी यामुळेच येथील लोकशाही आजही मजबूत आहे, असे प्रतिपादन रमणिक मुनीजी महाराजसाहेब यांनी केले. (Pune News)

पंडित जवाहरलाल नेहरू जयंतीनिमित्त शिवशंकर सभागृहात ‘महात्मा गांधी, पंडित जवाहरलाल नेहरू आणि आपण’ या विषयावर रमणिक मुनिजी महाराजसाहेब यांचे व्याख्यान आयोजित करण्यात आले होते. महात्मा गांधी आणि पंडित जवाहरलाल नेहरू यांच्या विचारांचा तसेच भारताच्या लोकशाही आणि उदारमतवादी परंपरेचा ऊहापोह रमणिक मुनीजी महाराजसाहेब यांनी आपल्या ओघवत्या शैलीत केला.

भगवान महावीरांनी सांगितलेली अहिंसा, सत्य, अपरिग्रह आणि अनेकांतवाद ही तत्त्वे गांधीजींनी आपल्या आचरणातून जगासमोर ठेवली, तर त्यांचे वैचारिक उत्तराधिकारी नेहरूंनी ‘सत्यम् शिवम् सुंदरम्’ या मूल्यांच्या प्रेरणेतून आधुनिक भारताच्या निर्मितीला दिशा दिली, असे सांगून ते म्हणाले, भारतासोबत अनेक देश स्वतंत्र झाले; मात्र त्यापैकी अनेक देशांत लोकशाही व्यवस्था टिकू शकली नाही. भारताची लोकशाही आजही मजबूत आहे, यामागे गांधीजींनी घडवलेली अहिंसक मने आणि नेहरूंनी द्वेषभावना न ठेवता केलेली आधुनिक भारताची उभारणी ही महत्त्वाची कारणे आहेत.

द्वेष आणि हिंसेला घाबरून आपणही समोरच्यासारखे न होता, अहिंसा आणि प्रेमाच्या मार्गाने त्यावर विजय मिळवला पाहिजे,” असा प्रेरणादायी संदेश रमणिक मुनीजी महाराजसाहेब यांनी दिला. यावेळी उपस्थितांनी विचारलेल्या विविध प्रश्नांना त्यांनी अभ्यासपूर्ण उत्तरे दिली.

या कार्यक्रमाचे आयोजन महाराष्ट्र प्रदेश काँग्रेस चे वरिष्ठ उपाध्यक्ष मोहनदादा जोशी आणि नोईंग गांधी ग्लोबल फ्रेंड्स चे संकेत मुनोत यांनी केले होते. यावेळी ज्येष्ठ नेते उल्हासदादा पवार, पुणे शहर काँग्रेस (पूर्व) चे प्रशांत जगताप, श्रीपाल ललवाणी, निलेश नवलाखा, राजकुमार चोरडिया, संतोष ललवाणी, चेतन अगरवाल, पुष्कर अबनावे, विकास सुपनार, आयूब पठाण, सुरेश कांबळे, अविनाश अडसूळ, ॲड.प्राजक्ता जाधव, संजय वावळे राजू जगताप, आशीष वाघमारे यांच्यासह काँग्रेसचे अनेक प्रमुख पदाधिकारी उपस्थित होते.

COMMENTS

WORDPRESS: 0
DISQUS: