Pune Water Cut Update | पावसाच्या ओढीने पुणे शहरात लवकरच एक दिवसाआड पाणी!
Pune Water Cut Update | यावर्षी जून महिन्यात पावसाने (Monsoon) चांगलीच ओढ दिली आहे. जून महिना संपत आला तरी खडकवासला धरणसाखळी (Khadakwasla Dam Chain) परिसरात पाऊस झालेला नाही. धरणांतील पाणीपातळी खालावल्याने पुणेकरांवर पाणीसंकट ओढवण्याची चिन्हे आहेत. आगामी काळात पर्याप्त पाऊस नाही झाला तर पुणेकरांना एक दिवसाआड पाणी (Alternate Day Water) घ्यावे लागणार आहे. पुणे महापालिकेने (Pune Municipal Corporation) तशी तयारी देखील सुरु केली आहे. (Pune water cut update)
सद्यस्थितीत शहरात आठवड्यातून एक दिवस पाणी बंद ठेवले जाते. मात्र ही कपात अजून वाढण्याची चिन्हे आहेत. शहराच्या पाणी पुरवठ्याबाबत जूनअखेरीस आढावा घेऊन पुढील निर्णय घेतला जाणार आहे, अशी माहिती महापालिका आयुक्त विक्रम कुमार (PMC Commissioner Vikram Kumar) यांनी दिली. दरम्यान, मागील वर्षी जूनमध्ये सुमारे 127 मिमी पाऊस झाला होता. मात्र, यावर्षी अद्याप 10 मिमी पाऊसही झालेला नसल्याचे आयुक्तांनी यावेळी सांगितले. धरणांतील पाणीसाठा आणखी खालावल्यास जुलैमध्ये शहरात दिवसाआड पाणी देण्याचे नियोजन महापालिकेकडून (PMC Pune) सुरू आहे. त्यानुसार वेळापत्रकही तयार केले आहे. लवकरच पाणीकपातीबाबत निर्णय घेतला जाणार आहे. (PMC Pune News)
——
News Title | Pune Water Cut Update | Due to the torrent of rain, there will soon be water in Pune city for a day!
