PMC Recruitment | महापालिका भरती |१३५ कनिष्ठ अभियंता (स्थापत्य) च्या नेमणुका  | ६ महिने असणार प्रशिक्षण कालावधी

HomeपुणेBreaking News

PMC Recruitment | महापालिका भरती |१३५ कनिष्ठ अभियंता (स्थापत्य) च्या नेमणुका | ६ महिने असणार प्रशिक्षण कालावधी

Ganesh Kumar Mule Jan 02, 2023 8:14 AM

NCP pune | राष्ट्रवादी काँग्रेस पार्टीची महागाईची होळी
Bhide Wada Smarak | PMC Pune | भारतातील पहिली मुलींची शाळा राष्ट्रीय स्मारकासाठी जमीनदोस्त! | पोलीस बंदोबस्तात करण्यात आले काम
Raj Thackeray | जिंकण्यासाठीच्या लढाईला तयार रहा | राज ठाकरे यांचे पश्चिम महाराष्ट्रातील पदाधिकाऱ्यांना आदेश

महापालिका भरती |१३५ कनिष्ठ अभियंता (स्थापत्य) च्या नेमणुका

| ६ महिने असणार प्रशिक्षण कालावधी

पुणे महापालिकेत विविध खात्यात विविध पदांची भरती करण्यासठी प्रक्रिया राबवण्यात आली आहे. त्यासाठी महापालिका प्रशासनाने अर्ज मागवले होते. कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. याचा निकाल घोषित करण्यात आलाहोता. मात्र अजूनही नियुक्त्या देण्यात आल्या नव्हत्या. दरम्यान महापालिका प्रशासनाने १३५ अभियंत्याच्या नेमणुका केल्या आहेत. मात्र या लोकांना ६ महिने प्रशिक्षण कालावधी असेल. तोपर्यंत सामान्य प्रशासन विभागाकडे काम करावे लागणार आहे. त्यानंतर प्रत्यक्ष खाते दिले जाणार आहे.

पुणे महापालिकेत विविध खात्यातील 448 पदांसाठी भरती  प्रक्रिया राबवण्यात आली. महानगरपालिकेच्या आस्थापनेवरील गट-२ व गट ३ मधील रिक्त असणारी पदे सरळसेवा प्रवेशाने भरण्यासाठी जाहिरात प्रसिद्ध करण्यात आली होती. यासाठी 20 जुलै ते 10 ऑगस्ट या कालावधीत अर्ज मागवण्यात आले होते. त्यानुसार कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन) या पदासाठी 26 सप्टेंबर ला परीक्षा घेण्यात आली.  कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. 4 ऑक्टोबर ला सकाळच्या सत्रात सहायक अतिक्रमण निरीक्षक या पदासाठी तर दुपारच्या सत्रात सहायक विधी अधिकारी पदासाठी परीक्षा झाली. तर कनिष्ठ लिपिक/ टंकलेखक पदाच्या परीक्षा या 10, 12 आणि 13 ऑक्टोबर झाल्या. दरम्यान सर्व परीक्षांचे निकाल घोषित करण्यात आले आहेत. मात्र नेमणुका बाकी आहेत.

महापालिका प्रशासनाने नुकत्याच १३५ अभियंत्याच्या (स्थापत्य) नेमणुका केल्या आहेत. मात्र या लोकांना ६ महिने प्रशिक्षण कालावधी असेल. तोपर्यंत सामान्य प्रशासन विभागाकडे काम करावे लागणार आहे. त्यानंतर प्रत्यक्ष खाते दिले जाणार आहे. त्यानुसार हे उमेदवार जॉईन होण्यासाठी महापालिकेत येण्यास सुरुवात झाली आहे.

दरम्यान सहायक अतिक्रमण निरीक्षक तसेच लिपिक लोकांना अजून नियुक्त्या देण्यात आल्या नाहीत. हे उमेदवार देखील याबाबत महापालिकेकडे वारंवार चकरा मारत आहेत.

pmc civil engineer recruitment