पुणे मेट्रोच्या कामाचा मुख्यमंत्री एकनाथ शिंदे यांच्याकडून आढावा
आज मुंबई येथे मुख्यमंत्री एकनाथ शिंदे यांनी पुणे मेट्रो प्रकल्पाचा आढावा घेतला. महामेट्रोचे कार्यकारी संचालक डॉ. ब्रिजेश दिक्षित यांनी पुणे मेट्रोच्या सद्यस्थितीच्या प्रगतीची माहिती मुख्यमंत्री यांना दिली.
याव्यतिरिक्त पिंपरी चिंचवड ते निगडी व स्वारगेट ते कात्रज या विस्तारित मार्गांच्या मान्यतेची सद्यस्थिती, तसेच पुणे मेट्रोच्या ४८.२ किमीच्या फेज २ या प्रकल्प अहवाल बनवण्याच्या सद्यस्थितीबद्दल माहिती मा. मुख्यमंत्री यांनी घेतली. याप्रसंगी मुख्यमंत्री एकनाथ शिंदे यांनी पुणे मेट्रोल सर्वतोपरी सहाय्य करण्याची ग्वाही दिली.
