PMC Recruitment Rules | पुणे महापालिकेत नवीन पद निर्मिती! | परिमंडळ आरोग्य अधिकारी ची नवीन ५ पदे
| १००% पदोन्नतीने भरली जाणार पदे
Pune Municipal Corporation Service Rules – (The Karbhari News Service) – पुणे महानगरपालिकेच्या आरोग्य खात्यात (PMC Health Department) नवीन ५ पदे तयार करण्यात आली आहेत. खात्यात परिमंडळ (झोन) निहाय सहाय्यक आरोग्य अधिकारी तथा परिमंडळ आरोग्य अधिकारी (वर्ग-१) (Zonal Health Officer) या पदाची निर्मिती व सेवाप्रवेश नियम तयार करण्यात आले आहे. राज्य सरकारकडून याबाबतचा निर्णय नुकताच जारी करण्यात आला आहे. दरम्यान ही पदे १००% पदोन्नतीने भरली जाणार आहेत. क्षेत्रीय वैद्यकीय अधिकारी या पदांच्या कामाचा ८ वर्षाचा अनुभव असणान्या अधिकाऱ्यामधून सेवाज्येष्ठतेने हे पद भरले जाणार आहे. (Pune Municipal Corporation- PMC)
पुणे महानगरपालिकेच्या आस्थापनेवरील विविध पदांचे सेवाप्रवेश नियम व आकृतीबंध तयार करण्यात आलेले आहेत. दरम्यान महापालिका आयुक्त यांचेकडून आरोग्य खात्याकडील परिमंडळ (झोन) निहाय सहाय्यक आरोग्य अधिकारी तथा परिमंडळ आरोग्य अधिकारी (वर्ग-१) या पदाची निर्मिती व सेवाप्रवेश नियम लागू करण्याबाबत प्रस्ताव सादर केला होता. या प्रस्तावाच्या अनुषंगाने परिमंडळ (झोन) निहाय सहाय्यक आरोग्य अधिकारी तथा परिमंडळ आरोग्य अधिकारी (वर्ग-१) या पदाची निर्मिती, वेतनश्रेणी, त्या पदाच्या शैक्षणिक व इतर अर्हता मंजूर करण्याची बाब शासनाच्या विचाराधीन होती. याबाबत शासनाने निर्णय घेतला आहे. त्यानुसार प्रियांका कुलकर्णी छापवाले, उप सचिव, महाराष्ट्र शासन यांनी हा निर्णय जारी केला आहे. (Pune PMC News)
| क्षेत्रीय वैद्यकीय अधिकारी पदाचा ८ वर्षाचा अनुभव आवश्यक
दरम्यान ही पदे १००% पदोन्नतीने भरली जाणार आहेत. याचा फायदा सद्यस्थितीत क्षेत्रीय वैद्यकीय अधिकारी पदावर काम करणाऱ्या कर्मचाऱ्यांनाच होणार आहे. मात्र त्यासाठी ८ वर्ष अनुभवाची अट ठेवण्यात आली आहे. हे पद वर्ग १ चे असून वेतन श्रेणी ही एस – २३ अशी आहे. ६७७०० पासून ते २ लाख ८ हजार ७०० असे वेतन या पदासाठी असणार आहे.
नेमणूकी करिता अर्हता व नेमणुकीची पद्धत अशी असेल
१) मान्यताप्राप्त विद्यापीठातून M.B.B.S पदवी.
२) मनपा आस्थापनेवर कार्यरत असणाऱ्या क्षेत्रीय वैद्यकीय अधिकारी या पदांच्या कामाचा ८ वर्षाचा अनुभव असणान्या अधिकाऱ्यामधून सेवाज्येष्ठतेने.
COMMENTS