आता पाण्याबाबतच्या तक्रारी करा 24 तास
| महापालिकेकडून 1 मार्च पासून हेल्पलाईनची सुविधा
महापालिकेकडून पुणे शहरातील पाणीपुरवठा विषयक तक्रारी करीता २४ तास हेल्पलाईन क्रमांक सुरू करण्यात येणार आहे. त्यामुळे नागरिकांना बिनधास्तपणे पाण्याच्या तक्रारी करता येणार आहेत. 1 मार्च पासून ही सुविधा उपलब्ध करून दिली जाईल. असे पाणीपुरवठा विभागाच्या वतीने सांगण्यात आले.
पुणे शहरातील पाणीपुरवठा विभागा संबंधित म्हणजेच पाणी न येणे, कमी दाबाने पाणीपुरवठा होणे, जलवाहिनी फुटणे व इतर संबधित तक्रारी करण्यासाठी नागरीकांना 1 मार्च 2023 पासून २४ तास तक्रार प्रणाली चालू करण्यात येणार आहे. नागरीकांनी आपल्या पाणीपुरवठा विषयक तक्रारी हेल्पलाईन क्रमांक 020-25501383 यावर कराव्यात. असे आवाहन महापालिकेकडून करण्यात आले आहे.
