भाजपला सतावून सोडणाऱ्या नवाब मलिक यांचा पुण्यात महाविकास आघाडी करणार सत्कार
पुणे : बहुचर्चित drug case आणि आर्यन खान प्रकरणात राज्याचे अल्पसंख्याक विकास मंत्री तथा राष्ट्रवादी काँग्रेस पार्टीचे प्रवक्ते नवाब मलिक यांनी भाजपला आणि देवेंद्र फडणवीस यांना चांगलेच सतावून सोडले. महाविकास आघाडीतील सर्वच घटक पक्षांनी आणि मुख्यमंत्र्यांनी देखील त्यांचे कौतुकच केले. त्याचाच एक भाग म्हणून आता पुण्यातील महाविकास आघाडी मलिक यांचा उद्या सत्कार करणार आहे.
याबाबत राष्ट्रवादी कॉंग्रेस चे शहर अध्यक्ष प्रशांत जगतात यांनी सांगितले कि 2 डिसेंबर 2021 रोजी महाविकास आघाडीचे संघर्षयोद्धा,सातत्याने भाजप कडून होणाऱ्या सातत्याने घडवल्या जाणाऱ्या षडयंत्रांना खंबीरपणे सामोरे जात परखडपणे सत्य समोर आणणारे राज्याचे अल्पसंख्याक विकास मंत्री तथा राष्ट्रवादी काँग्रेस पार्टीचे प्रवक्ते नवाबभाई मलिक यांचा महाविकास आघाडी सरकारमधील घटक पक्षांच्या वतीने भव्य सत्कार करण्यात येणार आहे. आझम कॅम्पस,कॅम्प, पुणे येथे सांयकाळी 5 वाजता ह कार्यक्रम होईल, असे जगताप यांनी सांगितले.
COMMENTS