१५ ते १८ या वयोगटाकरिता पुण्यातील सर्वात मोठे एकदिवसीय लसीकरण अभियान
: नगरसेवक धीरज घाटे यांची संकल्पना
पुणे : हिंदू गर्जना प्रतिष्ठान,सहयाद्री हॉस्पिटल आणि आय सी आय सी आय फौंडेशन यांच्या संयुक्त विद्यमाने शनिवार दिनांक २६ फेब्रुवारी २०२२ रोजी स्वातंत्र्यवीर सावरकर यांच्या पुण्यतिथी निमित्त पुण्यातील सर्वात मोठे एकदिवसीय लसीकरण अभियान होणार आहे . वय १५ ते १८ या वयोगटातील युवक युवतींकरिता हे अभियान असणार आहे. नगरसेवक धीरज घाटे यांची ही संकल्पना आहे.
याबाबत घाटे यांनी सांगितले कि, शहरातील मध्यवर्ती भागातील खजिना विहीर चौका जवळील फडके हॉल या ठिकाणी सकाळी ९.३० ते दुपारी ५ वा पर्यंत हे अभियान असेल. नोंदणीची सोय देखील याच ठिकाणी असणार आहे, अनेक शाळा कॉलेज यांसह शहरातील विविध भागातील विद्यार्थी यामध्ये सहभागी होणार आहेत. १०वी १२वीच्या परीक्षा अत्यंत जवळ असल्याकारणाने मुलांच्या लसीकरणाला या अभियानामुळे वेग मिळेल आणि विद्यार्थ्यांची सोय होणार आहे. असे ही घाटे म्हणाले.
COMMENTS