महापालिकेत अजून एक उपायुक्तांची प्रतिनियुक्तीने नियुक्ती
: महापालिका आयुक्तांचे आदेश
पुणे : पुणे महापालिकेत अजून एक उपायुक्तांची नियुक्ती प्रतिनियुक्तीने करण्यात आली आहे. याबाबतचे आदेश महापालिका आयुक्त यांनी जारी केले आहेत.
अपर जिल्हाधिकारी म्हणून काम करणारे महेश पाटील यांची महापालिकेत उपायुक्त या पदावर नियुक्ती करण्यात आली आहे. त्यांच्याकडे मंडई विभाग आणि आपत्ती व्यवस्थापन व दक्षता विभाग या विभागाची जबाबदारी देण्यात आली आहे. सामान्य प्रशासन विभागाचे उपायुक्त सचिन इथापे यांच्याकडे आपत्ती व्यवस्थापन विभागाची जबाबदारी या अगोदर होती.
