Ajit pawar | अजित पवारांनी पुणे महापालिकेकडे मागितली ही माहिती

HomeपुणेBreaking News

Ajit pawar | अजित पवारांनी पुणे महापालिकेकडे मागितली ही माहिती

Ganesh Kumar Mule Feb 23, 2023 3:31 AM

Kasba By Election | कसबा पोटनिवडणूक | कॉंग्रेस, राष्ट्रवादीची आज बैठक तर शिंदे गट, भाजपची उद्या बैठक
Ajit Pawar on Pune Traffic | वाहतूक कोंडी टाळण्यासाठी अतिक्रमणे काढल्यानंतर त्या भागात तातडीने रस्ते करा | उपमुख्यमंत्री तथा पालकमंत्री अजित पवार यांचे आढावा बैठकीत संबधीत यंत्रणांना निर्देश
Budget 2025 | पुणे शहराच्या प्रलंबित योजना व प्रकल्पांबाबत केंद्र व राज्य सरकारच्या आर्थिक अंदाजपत्रकात २००० कोटी रुपयांची तरतूद करा | उपमुख्यमंत्री अजित पवार यांच्याकडे मागणी

अजित पवारांनी पुणे महापालिकेकडे मागितली ही माहिती

पुणे | महानगरपालिकेने पुणे शहरातील १७२ किमीच्या २ केबल डक्ट भाडेपट्टयाने देण्यासाठी निविदा प्रक्रिया (दरपत्रके) राबवली आहे. यासंदर्भातील माहिती विरोधी पक्षनेते अजित पवार यांना विधिमंडळ कामकाजासाठी आवश्यक आहे. त्यामुळे ही माहिती मला तत्काळ उपलब्ध करुन देण्यात यावी. अशी मागणी पवार यांनी आयुक्तांना दिलेल्या पत्रात म्हटले आहे.

| ही मागितली आहे माहिती
१) पुणे महानगरपालिकेने निर्गमित केलेल्या राईट ऑफ वे च्या परवानगीची प्रत, राईट ऑफ वे शुल्क एजन्सी ने भरल्याबाबतच्या पावत्यांच्या प्रती, केबल डक्टच्या मार्गाबाबतची माहिती व ट्रेंचिंग आणि डक्टिंग केल्याचा तारखेनिहाय तपशील उपलब्ध करुन द्यावा.
२) पुणे महानगरपालिकेने आकारलेल्या १७३ किमी लांबीच्या रस्त्यासाठीचे पुनर्संचयित आणि पुनर्स्थापना शुल्काबाबतची तपशिलवार माहिती, पुणे महानगरपालिकेच्या अधिका-यांनी २ डक्टच्या संपूर्ण १७३ किमी कामाचा तयार केलेल्या अंतिम तपासणी अहवलाची, डक्टच्या सद्य स्थितीच्या माहितीसह प्रत उपलब्ध करुन देण्यात यावी.
३) डक्टसाठी प्रति किलोमीटर लिज रेट कशाच्या आधारावर निश्चित करण्यात आला ? पुणेमहानगरपालिकेने यासंदर्भात घेतलेल्या विशेष मार्गदर्शनाची प्रत उपलब्ध करुन देण्यात यावी व ३० वर्षांचा लिज कालावधी कोणत्या आधारावर निश्चित करण्यात आला ? १७३ किलोमीटरच्या दोन डक्टच्या पायाभूत सुविधांच्या वापरातून निर्माण होणाऱ्या महसुलातील पुणे महानगरपालिकेचा हिस्सा संबंधित एजन्सीकडून घेण्याबाबतचा विचार का करण्यात आला नाही ? सदरचा महत्वाकांक्षी प्रकल्प ३० वर्षाच्या लिजवर खाजगी एजन्सीला बहाल करताना शासनाच्या महसुलाची हानी होणार नाही. याबाबतची कोणती काळजी घेण्यात आली आहे? याबाबचा संपूर्ण तपशील
४) ३० वर्षाचा लिज कालावधी संपुष्टात आल्यानंतर प्रकल्प पुन्हा पुणे महानगरपालिकेकडे हस्तांतरित करण्याबाबत कोणती कार्यपध्दती निश्चित करण्यात आली आहे ? पुणे महानगरपालिकेकडून एजन्सीकडे प्रकल्प कशाप्रकारे हस्तांतरित केला जाणार आहे
याबाबत पुणे महानगरपालिका आणि एजन्सीची जबाबदारी आणि उत्तरदायित्व कशाप्रकारे निश्चित करण्यात आले आहे ?
५) लिज कालावधीत एजन्सीकडून संबंधित प्रकल्प कार्यान्वीत होत असताना गुणवत्ता आणि पायाभूत सुविधांची सुरक्षा अबाधित राहील, याबाबतची कोणती खबरदारी घेण्यात आली आहे ? सदर प्रकल्पासाठी राबण्यात आलेल्या निविदा प्रक्रियेबाबतची व निर्णय प्रक्रियेची संपूर्ण कागदपत्रे, प्राप्त निविदांसह सदर प्रकल्पाबाबत पुणे महानगरपालिका व संबंधित एजन्सी यांच्यात झालेल्या कराराची छायांकित प्रत.