Environmental Awareness Cycle Wari | PMC | पुणे महानगरपालिकेतर्फे  पुणे ते पंढरपूर पर्यावरण जनजागृती सायकल वारीचे आयोजन

HomeपुणेBreaking News

Environmental Awareness Cycle Wari | PMC | पुणे महानगरपालिकेतर्फे  पुणे ते पंढरपूर पर्यावरण जनजागृती सायकल वारीचे आयोजन

Ganesh Kumar Mule Jun 17, 2022 2:12 PM

Sant Tukaram Maharaj | संत तुकाराम महाराजांच्या पालखीचे उद्या प्रस्थान 
Aashadhi Wari 2025 | सर्व विभागांच्या समन्वयातून ‘आषाढी वारी’ यशस्वी करा | मुख्यमंत्री देवेंद्र फडणवीस यांचे निर्देश | आषाढी एकादशीच्या अनुषंगाने पूर्वतयारी आढावा
Gram Panchayats on Palkhi Marg | पालखी मार्गावरील ग्रामपंचायतींना नऊ कोटी अनुदान

पुणे महानगरपालिकेतर्फे  पुणे ते पंढरपूर पर्यावरण जनजागृती सायकल वारीचे आयोजन

पुणे महानगरपालिकेच्या वतीने शनिवार १८ जून २०२२ रोजी उपायुक्त माधव जगताप यांचे नेतृत्वाखाली पुणे ते पंढरपूर पर्यावरण जनजागृती सायकल वारीचे आयोजन करण्यात आले आहे. वारी मार्गावर ठिकठिकाणी बिजरोपण करण्यात येणार आहे. त्याचप्रमाणे नागरिकांना “स्वच्छ पुणे सुंदर पुणे” अशा संदेशासह सायकलचा वापर करण्याचे आवाहन करण्यात येणार आहे.
सहभागी झालेले सेवक शनिवारी पहाटे निघून एक दिवसात २३० कि.मी. अंतर सायकलवर पार करून पंढरपूर येथे पोहोचणार आहेत व रविवारी पुन्हा २३० कि.मी. अंतर सायकलवर पार करून पुणे येथे परत येणार आहेत.  उपक्रमात पुणे महानगरपालिकेतील सुनील अहिरे,  उमाकांत डिग्गीकर,  विशाल पाटील, संदीप आमले,  अभिमन्यू गाडे,  नितीन देडगे, प्रशांत गवळी, महेश कारंडे, संतोष शिंदे, राहुल सांगडे हे सेवक सहभागी होणार आहेत.
रॅलीचा औपचारिक शुभारंभ महापालिका आयुक्त विक्रम कुमार यांचे हस्ते व  अतिरिक्त महापालिका आयुक्त (ज) रवींद्र बिनवडे, मा. अतिरिक्त महापालिका आयुक्त (ई) डॉ. कुणाल खेमनार यांचे उपस्थितीत शुक्रवार दिनांक १७ जुन २०२२ रोजी सायंकाळी ठिक ५.०० वा पुणे मनपा मुख्य इमारत येथे संपन्न झाला. सदर कार्यक्रम प्रसंगी पुणे महानगरपालिकेतील सहभागी होणाऱ्या सेवकांना झेंडा दाखवून सदिच्छा देण्यात आल्या.
सदर कार्यक्रम प्रसंगीउप आयुक्त माधव जगताप, महेश डोईफोडे,  मुख्य विधी अधिकारी निशा चव्हाण, अधीक्षक अभियंता अनिरुद्ध पावसकर तसेच इतर अधिकारी व कर्मचारी मोठ्या संख्येने उपस्थित होते.
कार्यक्रमाचे सूत्र संचालन सुरेश परदेशी यांनी केले.