Flyover : पुणे शहरातील या दोन महत्वाच्या उड्डाणपुलाचे भूमिपूजन करणार केंद्रीय मंत्री नितीन गडकरी

पुणे: शहरात वाहतूक कोंडी हा नित्याचा विषय झाला आहे. त्यात सिंहगड रोड आणि कात्रज कोंढवा रोड तर नेहमीच रहदारीने गजबजलेले. त्यामुळे या दोन्ही रस्त्यावर उड्डाणपूल करणे प्रस्तावित आहे. सिंहगड रोडचा उड्डाणपूल महापालिका करणार आहे. तर कात्रज कोंढवा रोड चा NHAI करणार आहे.  या दोन्ही उड्डाणपुलाचे भूमिपूजन 24 सप्टेंबर ला केंद्रीय मंत्री नितीन गडकरी यांच्या हस्ते होणार आहे. अशी माहिती महापौर मुरलीधर मोहोळ आणि माजी आमदार योगेश टिळेकर यांनी पत्रकार परिषदेत दिली.

पुणे मनपाचे सन २०२१-२२ चे अंदाजपत्रकानुसार विषयांकित कामाचे र. रु. १३४,७०,९१,४३६/- पूर्वगणनपत्रक तयार करणेत आले असून या कामासाठी अंदाजे र.रु. १३५.०० कोटी इतका खर्च अपेक्षित आहे. या कामाकरिता रीतसर जाहिरात देऊन निविदा मागविल्या असता, एकूण तीन निविदा प्राप्त झाल्या आहेत. यापैकी सर्वात कमी दराचे ठेकेदार टी अँड टी इन्फ्रा लिमिटेड यांची र. रु. ११८,९६,४९,१७७/- (जी.एस.टी. टेस्टिंग चार्जेस व रॉयल्टी वगळून) ची निविदा प्राप्त झाली आहे. ठेकेदार टी अँड टी इन्फ्रा chuemiAdmispowrional-madhyavatm4x7
लिमिटेड यांनी त्यांचा निविदा दर ०.५% ने कमी (र.रु.११८,३७,००,९३१/-) करत असलेबाबत दि. ०२/०८/२०२१ रोजीचे पत्रान्वये कळविले आहे व त्यानुसार ठेकेदार यांची निविदा  स्थायी समिती अन्वये मान्य झाली आहे. अद्याप ठेकेदारास कार्यादेश देण्यात आलेला नाही.

१) २.७४ किमी. ची वाहतूक थेट होणार असल्याने वेळेची व इंधनाची बचत होणार आहे.२) सिंहगड रोड परिसरातील खडकवासला, नांदेड सिटी, नन्हे, धायरी या गावांमधील झपाट्याने होत असलेला विकास व सिंहगड रस्त्यास पर्यायी रस्ता उपलब्ध नसणे या बाबी विचारात घेता भविष्यातील वाहतुकीच्या दृष्टीने फायदेशीर.३) इनामदार चौक, ब्रम्हा हॉटेल चौक, हिंगणे चौक, संतोष हॉल चौक व फन टाईम सिनेमा चौकात उजवी व डावीकडे वळणाऱ्या स्थानिक वाहतुकीसाठी फायदेशीर. ४) वडगाव, खडकवासला, नहे व नॅशनल हायवे वरून कात्रज – पुण्याकडे ये-जा करणाऱ्या वाहतुकीसाठी उपयुक्त होणार आहे.