Appointments of  Clerks | महापालिकेकडून भरती केलेल्या २०० लिपिकांच्या नेमणुका

HomeपुणेBreaking News

Appointments of Clerks | महापालिकेकडून भरती केलेल्या २०० लिपिकांच्या नेमणुका

Ganesh Kumar Mule Jan 04, 2023 2:58 PM

PMC Pune | Health camp | पुणे महापालिकेच्या कॅन्सर तपासणी शिबिराला उस्फुर्त प्रतिसाद 
CP Pune | PMC Pune | पावसाळ्यात पुणेकरांना नाहक त्रास होणार नाही याची काळजी घ्या | पुणे पोलीस आयुक्तांच्या पुणे महापालिकेला सूचना
Archana Patil | स्पायडरमशिन टेंडर प्रकरणातील दोषी अधिकाऱ्यांवर कारवाई करा  | माजी नगरसेविका अर्चना पाटील यांची महापालिका आयुक्ताकडे मागणी 

महापालिकेकडून भरती केलेल्या २०० लिपिकांच्या नेमणुका

पुणे | पुणे महापालिकेकडून (PMC Pune) विविध रिक्त पदासाठी भरती प्रक्रिया (Recruitment) राबवण्यात आली होती. सर्व पदासाठी परीक्षा घेण्यात आली. यामध्ये कनिष्ठ अभियंता (यांत्रिकी), कनिष्ठ अभियंता (वाहतूक नियोजन), सहायक अतिक्रमण निरीक्षक, सहायक विधी अधिकारी तसेच कनिष्ठ लिपिक/ टंकलेखक पदाचा समावेश आहे.  महापालिका प्रशासनाने याआधी कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन), कनिष्ठ अभियंता (स्थापत्य)आणि सहायक विधी अधिकाऱ्यांच्या हंगामी नेमणुका देखील केल्या आहेत. दरम्यान आज महापालिकेकडून २०० लिपिकांच्या हंगामी नेमणुका केल्या आहेत. नुकतेच महापालिका प्रशासनाकडून याबाबतचे आदेश जारी करण्यात आले आहेत. (Pune Municipal Corporation)

पुणे महापालिकेत विविध खात्यातील 448 पदांसाठी भरती करण्यात येणार आहे. महानगरपालिकेच्या आस्थापनेवरील गट-२ व गट ३ मधील रिक्त असणारी पदे सरळसेवा प्रवेशाने भरण्यासाठी जाहिरात प्रसिद्ध करण्यात आली होती. यासाठी 20 जुलै ते 10 ऑगस्ट या कालावधीत अर्ज मागवण्यात आले होते. त्यानुसार कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन) या पदासाठी 26 सप्टेंबर ला परीक्षा घेण्यात आली. कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. 4 ऑक्टोबर ला सकाळच्या सत्रात सहायक अतिक्रमण निरीक्षक या पदासाठी तर दुपारच्या सत्रात सहायक विधी अधिकारी पदासाठी परीक्षा झाली. तर कनिष्ठ लिपिक/ टंकलेखक पदाच्या परीक्षा या 10, 12 आणि 13 ऑक्टोबर झाल्या. (PMC Pune)

निकाल घोषित केल्यानंतर महापालिका प्रशासनाकडून नेमणुका करणे देखील सुरु करण्यात आले आहे. महापालिका प्रशासनाने याआधी कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन), कनिष्ठ अभियंता (स्थापत्य)आणि सहायक विधी अधिकाऱ्यांच्या हंगामी नेमणुका देखील केल्या आहेत. दरम्यान आज महापालिकेकडून २०० लिपिकांच्या हंगामी नेमणुका केल्या आहेत. नुकतेच महापालिका प्रशासनाकडून याबाबतचे आदेश जारी करण्यात आले आहेत.