‘बालआनंद मेळाव्यास'(विद्यार्थी स्वागत) कार्यक्रमास उत्स्फूर्त प्रतिसाद
| लहान मुलांचा एक आगळावेगळा उत्सव संपन्न.
राज्यभरातील सर्व शाळा १५ जून पासून सुरू होत आहेत. त्यामुळे शाळा सुरू होण्याअगोदर नव्याने सुरू होणाऱ्या नारायण शिक्षण संस्थेतील प्री-प्रायमरी विभागाच्या मुलांचा ‘आनंद मेळावा’स्वागताचा आगळावेगळा कार्यक्रम मंगळवार दिनांक १४/५/२०२२ रोजी सकाळी ९:३० ते १२:०० या वेळेत साजरा करण्यात आला. या कार्यक्रमास अतिशय उत्स्फूर्त प्रतिसाद लाभला असून परिसरामध्ये सर्वत्र त्याची चर्चा चालू आहे.
प्री- प्रायमरी विभागात प्रवेश घेतलेल्या विद्यार्थ्यांचे खालील आगळ्या वेगळ्या पद्धतीने स्वागत करण्यात आले.
१) वाजत-गाजत मिरवणूक:बाल चमचे पारंपारिक वाद्यांच्या म्हणजे सनई, ताशा, ढोल, डक, तुतारी,(वाद्यवृंद ताफा) यासारख्या पारंपारिक वाद्य गजरात मुलांचे गेट पासून मिरवणूक काढत वाजत-गाजत स्वागत करण्यात आले. मुलांबरोबर त्यांचे पालकही या मिरवणूकीत उत्साहाने सहभागी झाले.
२) मुलांचे औवक्षण: शाळेत प्रवेश केल्यानंतर मुलांचे औवक्षण करून गुलाब पाकळ्यांची उधळण करत, गंध टिळा करून करण्यात आले. त्यांचे शाळेतील कुंकूवातील पहिलेपाऊल कागदावर उठून पालकांना देण्यात आले.
३) मुलांसाठी खाऊचे वाटप: मुलांना चिक्की पाकीट देऊन, त्यांचा आनंद द्विगुणित करण्यात आला.
४) मनोरंजक : मुलांच्या मनोरंजनासाठी खेळ, गाणी, नुत्य सामूहिक पद्धतीने घेण्यात आले.
५) वट पौर्णिमेचे महत्व: वटपौर्णिमा असल्यामुळेशाळेच्या गार्डनमधील वडाभोवती महिलांचे चाललेले पूजन प्रत्यक्ष मुलांना या ठिकाणी नेऊन दाखवून वटपौर्णिमे विषयी गाणे ऐकवण्यात आले.
६) ट्रॅडिशनल पेहराव: बहुतेक सर्व मुले वेगवेगळ्या ट्रॅडिशनल पेहरावा मध्ये मोठ्या आनंदाने सहभागी झाली होती.
स्वागतकार्यक्रमासाठी पालक वर्ग मोठ्या संख्येने उपस्थित होता. त्यांनी शाळे कडून आयोजित विद्यार्थ्यांच्या या आगळ्यावेगळ्या स्वागताचे मन भरून कौतुक केले.
कार्यक्रमासाठी नारायणहट शिक्षण संस्थेचे, व नारायण हट गृह संस्थेचे, सभासद संचालक मोठ्या संख्येने उपस्थित होते.
कार्यक्रमाचे संयोजन: शाळेच्या प्राचार्या, विजया चौगुले, यांच्या मार्गदर्शनाखाली सौ. प्रतिभा तांबे, सौ सायली संत, सौ भाग्यश्री नगरकर, सुरेखाताई मुके, श्री प्रवीण भाकड(शिक्षक वृंद) यांनी केले.
वैविध्यपूर्ण कार्यक्रमासाठी नारायण हट शिक्षण संस्थेची प्रा-प्रायमरी शाळा प्रसिद्धीस येऊ लागले आहे.
