कै. श्रीमती पार्वतीबाई दत्तात्रय पाटील इंग्लिश मिडीयम स्कूलचे उद्द्घाटन
: नगरसेविका अर्चना पाटील यांच्या प्रयत्नांना यश
पुणे: प्रभाग 19 मधील नगरसेविका अर्चना पाटील यांच्या प्रयत्नातून कै. श्रीमती पार्वतीबाई दत्तात्रय पाटील इंग्लिश मिडीयम स्कूलचे उद्द्घाटन शहराध्यक्ष जगदीश मुळीक, माजी मंत्री दिलीप कांबळे, आमदार सुनिल कांबळे यांच्या हस्ते करण्यात आले.
भवानी पेठेतील नागरिकांच्या समस्या सोडविण्यासाठी भाजप सतत प्रयत्नशील आहे. नगरसेविका अर्चना पाटील यांनी उभा केलेल्या कै. श्रीमती पार्वतीबाई दत्तात्रय पाटील इंग्लिश मिडीयम स्कूल मधून नक्कीच उच्च शिक्षित विद्यार्थी घडतील असा विश्वास शहराध्यक्ष जगदीश मुळीक यांनी व्यक्त केला.
यावेळी माजी मंत्री दिलीप कांबळे म्हणाले शिक्षणामुळे समाज घडू शकतो. यासाठी भाजप चे सगळे नगरसेवक काम करतायेत. काशेवाडी भागातील झोपडपट्टीतील मुलांसाठी सतत काम करतायेत. समजाच्या विकासासाठी भाजप सतत तुमच्या पाठीशी आहे.
कामगार वर्ग किंवा झोपडपट्टी भागातील व्यक्तिलाही वाटते आपले मुले इंग्लिश मिडीयम च्या शाळेत जावीत. पण अवाजवी फी मुळे ते शक्य होत नाही. पण अर्चना पाटील यांनी ही शाळा उभी करुन सामान्य व्यक्तींना खूप चांगला पर्याय उपलब्ध करुन दिला आहे असे मत आमादर सुनील कांबळे यांनी व्यक्त केले.
खासगी शाळांच्या फी या माझ्या भागातील गोर गरीब जनतेला परवडणाऱ्या नाही. तेव्हा ठरवले शाळा बांधायची. आज ते स्वप्न सत्यात उतरते याचा खूप आनंद होत आहे. या शाळेचा शिक्षणाचा दर्जा अत्यंत चांगला आहे. या माझ्या वस्तीतून उच्च शिक्षित मुले घडवीत अशी इच्छा आहे. जास्तीत जास्त नागरिकांनी याचा लाभ घ्यावा असे आवाहन नगरसेविका अर्चना पाटील यांनी केले.
या प्रसंगी शहराध्यक्ष जगदीश मुळीक, माजी मंत्री दिलीप कांबळे, आमदार सुनिल कांबळे, आमादर मुक्ता टिळक, नगरसेविका मनिषा लड़कत, संदिप लड़कत, मुनावर रामपूरी, दिनेश रासकर, विकी ढोले, संतोष कांबळे, राणी कांबळे, उमेश दुरांडे, सनी अडागळे, गणेश कांबळे आणि भाजप चे सर्व पदाधिकारी नागरिक उपस्थित होते. कार्यक्रमाचे आयोजन माथाडी कामगार संघटनेचे उपाध्यक्ष तुषार पाटील यांनी केले होते.
COMMENTS